NDPS dorbar o mwng kasa jak kharwi tong mani phekjak nai manwi ni bania khwlai nai Subrata chakraborty no paithago romkha belonia thana ni police. huijak koktwma ni bising twi pha sal ni horo belonia bwkhaste police naikolnai Abhijit das ni naikol mwng o belonia thana ni police barapathari mastar para ni simi phekjak nai manwi ni bania khwlai nai Subrata chakraborty ni nogo naitug mwng khwlawi romkha, cha salo Subrata chakraborty no belonia adalat o tisa jak kha.sathai kwlai o,lai thanai 5 october ni horo belonia bwkhaste police naikol nai tei belonia thana ni police khung sa eco malkhung no rom nani naikha. malkhung no twi kharwi tong mani jora o rishyamukh block salgwra sonaichori rajaram bari ni khung sa pukhiri o kwlai thang kha, ah malkhung bising ni kai bwrui basta ni 91 kg. sidhi kwran mankha, romjak kha malkhung mothor nai Suman biswash no, police ni naikol mwng o tonwi Suman ni khuk twi kasai phai kha Subrata chakraborty ni mwng.tal nwi lia thang mani ulo paithago huijak koktwma ni bising twi sak ni nok ni simi no phekjak nai manwi ni bania khwlai nai Subrata chakraborty no romkha police.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
