Tabokni jorao kokpirmungni joto ni sai kotor lama wngkha social media. Tei oh social media no samungo phwnangwi Bharatiya Janata Party ni hamkrai khwlaimung samung bwtang rok no lukorog ni bwskango tubuna bagwi tei phainai loksobha chongmario hai no hai Narendra Modi no hakotor ni montri bokhorok khwlaina bagwi ‘Sangkhanath’ mungwi kaisa samung bwtangno twiwi sakhwlaikha kendra haphang. Oh samung bwtangni wngwi no koktisalo pradesh BJP ni luajimung bai aulini Muktadara hall o ‘State Social Media Volunteer Meet’ songchajakha. Asalni pandao manjakha haste ni montri okra Dr.Manik Saha, pradesh BJP ni president Rajib Bhattacharya, BJP ni All India Social Media ni Head Kapil Parmar, Pradesh BJP ni general editor Amit Rakkhit no khobui kubuni adongrok. Asalni panda no twiwi swbai sukurwbwi sai khwna rikha pradesh BJP ni social media ni convenor Arindhom Deb. Asalni pandao haste ni kwbangma thaini 500 hundred Vloggers tei Influencers rok bo manjakha hinwi saimankha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
