kendriya committee o swlai mwng khwlaimani ulo BJP haste committee o bo swlaimwng ung mani nukjak kha cha salo. ah swlai mwng no twi lai thanai tal nwi tal tham ni swkang no kok kasai tong mani kwbangma mohol rogo. sabo sabo bo thai man nai haste committee tei kai sini morcha achugphang ni thai o sabo chonghor jak nai, abo no twi kok kasai tong mani. pai thago cha salo pradesh BJP ni kwtal committee gosi mwng rwkha bharatiya janata party ni haste achugphang Rajib bhattacharjee, yuba morcha, SC morcha, mohila morcha, OBC morcha, kishan morcha, minority morcha ni logi swlaimwng ung kha pradesh tang phang tei pradesh achugphang ni thai o bo. swlai mwng ni ulo mohila morcha ni pradesh achugphang jwk ni thai o bajra yapharwi rwjak kha Mimi majumdar no, abo ni logi yuba morcha ni pradesh achugphang ungkha bishalgarh ni MLA Sushanta deb. kwtal naikol mwng manwi pradesh BJP ni achugphang Rajib bhattacharjee bai cha salo malai laikha borok. haste ni kaiw ni loksabha achugthai o no bharatiya janata party no kwplai khwlaina bagwi tei phan rwjak nai hwnui saklai kha Rajib bhattacharjee. 2024 bisi ni loksabha vote ni swkang kwtal bajra manwi tong thoklai jak Mimi majumdar tei Sushanta deb bo. haste ni bodol no teibo phan rwna ni bagwi samwng khwlai nai hwnui saklai kha borok. teibo saklai kha tong kosong loku rok modi hapang ni joto sep rok kaham khe manthung, ayang phasing naharwi no haste ni sikla tei bwrui rok no kaham sep rwjak nai abo no borok ni nahar mwng. phai tong nai loksabha chongmari o teisa phan oh phai nai modi hapang, abo hai wansuk mwng bai no samwng khwlai tong kha pradesh BJP.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
