Tripura haste o puila wngna thangwi tongo ‘khelo Tripura para games 2023. Phasalo kaisa panda ni bising twi phiyogmani pandao manjagwi yakung yak manya cherai rok ni talent no nogwi belai no kha-tongthokjakha haste ni montri okra Dr.Manik Saha. Chasalni phungni simi bebagwi 11 events o ‘khelo Tripura para games 2023’ bataimungno chengsawi rijaknai Agartala ni Astabal thwngkholao. Haste ni kai char hangkhor ni bebagwi 300 yakung yakmanya players rok ni mung select khwlaijakha ah bataimungo. Phasalni sarikphango abono phiyogwi rikha montri okra Dr.Manik Saha. Asalni pandao bono karwi bo manjakha Tripura ni sikla thwng tangbedekni montri Tinku Roy tei Agartala municipal corporation ni mayor Dipak Majumder no khobui kubuni adongrok. Asalni pandao kok narukna thangwi montri okra sakha, borok kubuni cherai rok ni sai kom ya, sal kolokma ramwi bui bai bengai jagwi tongo borok bai borok. Yakung yak manya ni bagwi borok no norom hinwi wansugwi tongo. Phiyabha Narendra Modi ni haphang borok no borok ni borom rikha. Apahiz, eba yakung yak manya hai lachima sinsa khorang no swlaiwi ‘Dibango’ khorang no phiyogwi rikha hakotorni montri bokhorok Narendra Modi. Yakung yak manya tei rwng swrwngnai swrwngnaijwk sngni hamkrai ni bagwi kwbangma hamkrai ni samung bwtang rok no phiyogwi rikha kendra haphang tei haste haphang. 2 thousand bata khwlaiwi rikha borok no. Phainai salo oh bata ni rang teibu barinai hinwi kok rikha montri okra Dr.Manik Saha. Yakung yakmanya cherai tei rwng swrwngnai swrwngnaijwk sngni hamkrai ni bagwi jeswk project no phiyogwi rijakha, aborok no swbai sukurwbwi sai khwna rikha haste ni thwng tangbedekni montri Tinku Roy. Aboni logi bo teibu sakha, Oh bataimungo thwngnai 300 yakung yak manya thwngnai rok no
Health insurance card tei Disability Certificate rijaknai Tripura haphang. Phasalo Khelo Tripura para games 2023 bataimungo manjakha haste ni hoda hamkrai tei hoda rwng tangbedekni secretary Tapash Roy, Director Smita Mall, tei sikla thwng tangbedekni secretary Dr.Pradip Kumar Chokroborty tei Director Satyabrata Nath.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
