Kaisa hati ni sinimung, ah hatini bania khwlainai rok ni bising twi no ah hatini sinimung manwi tongo. Bania khwlainai rokni tamung chamungni bising ni bising twi no painai rok ni kha-o puito tubu-o tei manwi painai rok ni puito no bowi tonina bagwi bania khwlainai rok ni kaisa samung abo wngkha manwi painai rok no kaham manwi rinani. Abohai khe no bania khwlainai tei manwi painai rok ni bisingo kaisa kaham halok wngu. Phasalo Math-chowmony hatini Gourango Mahaprabhu ni 53 bisi Harinaam sangkirton no kitingwi songchajak thwirimani pandao manjagwi bania khwlainai rok no abohai no sakha haste ni montri okra Dr.Manik Saha. Aboni logi Mahaprabhu ni naam kirton no kitingwi abohai hoda ni hamkrai ni samung bwtango agugwi phaimani bagwi hatini joto bania khwlainai rok no hambai yapharkha montri okra. Asalni pandao kok narukna thangwi Agartala municipal corporation ni mayor Dipak Majumder sakha, tabok science belai no kwchugo kajak, phiyabha tabok fano thwi swnamwi manyakhu sciencetis rok. Aboni bagwi no thwi borok ni sago simi no mano. Sak baithang thwirikhe rimani bising twino chwng thwini biyal no komiriwi manai. Asalni pandao kok narukna thangwi Math-chowmony hatini bania khwlainai rok no borom rikha pradesh BJP ni president Rajib Bhattacharya. Bo teibu sakha, oh harinaam kirton o briddha ashramni chakra rok no tubuna bagwi math-chowmony hatini committee rok no koikha. Bini kobokmungno borom riwi oh harinaam kirton ni paithakni salo ”apna ghar” briddha ashram ni maa sngno bojan khwlairimani logi richum baknani yapri naharkha Math-chowmony hatini bania khwlainai committee ni adongrok. Phainai salo bo abohai hoda hamkrai ni samung bwtangno bowi tonina bagwi hatini bania khwlainai rok ni thani koikha phaiwi manjaknai nogorai okra sng.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
