Bharat hakotor ni joto lukorog no haphangni joto projects ni sep sap rok no rina bagwi thanai 15 november ni simi hakotor rwgwi ‘Bikasita Bharat sankalp yatra chengsawi rikha hakotor ni montri bokhorok Narendra Modi. Oh yatra ni bising twi hakotor ni lukorog bwswk jora twi haphangni sep sap manwi tong, aborok no cherwi naina bagwi sal kisa swkang video conference ni bising twi ‘bikasita bharat sankalp yatra ni sep sap manai rok bai koklam salaikha hakotorni montri bokhorok Narendra Modi. Swrang salo hai no hai video conference ni bising twi’ bikasita bharat sankalp yatra ni bising twi sep sap manai rok bai koklam salaikha montri bokhorok Narendra Modi. Asalo 9-Banamalipur mondal bai khobjak forward club o bodol ni sipai rok bai montri bokhorok ni ah panda no naikha pradesh BJP ni president Rajib Bhattacharya. Asalni panda paimani yagulo koktwma thumnai rok ni bwskango pradesh BJP ni president sakha, Hakotor ni paithak lukorog ni thani haphangni joto sep sap rok no sagwirina bagwi no bikasita bharat sankalp yatra no chengsawi rikha montri bokhorok Narendra Modi. Oh yatra o hakotor ni joto haste o haphangni joto projects ni sep sap no twiwi kokpirna bagwi malkhung bo rahorjakha tei montri bokhorok ni tini panda ni bising twi swrwngwi mankha je, phainai salo haste ni lukorogni thani haphang ni sep sap bahai khe sagwi rwinai abono twiwi sai mankha bodol ni sipai rok.Khursathai kwlaio Asalni pandao haste ni Bamutia bidhansabha kendra ni lavarthi rok bai koklam salaikha montri bokhorok Narendra Modi.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
