Hakotor ni kwcham montri bokhorok Atalbihari Vajpayee ni achaima sal no kitingwi 2014 bisi ni simi 25 december salno’Good Governance Day’ hwnui plai laio kendriya hapang. hakotor ni loku rok ni bising o sakthar mwnf rwna ni bagwi bisi burum burum no 25 december sal mari no palai laio Narendra modi hapang. haste ni montri okra Dr.Manik saha ni luajimung bai Tripura haste gwnagui tang salo palai jak kha’good governance day’. kwcham montri bokhorok borom gwnang Atal biahari vajpayee ni achai mani sal o rajakhor aguli ni Shyama Prasad Mukherjee Lane o montri okra ni kwcham banglowo’Good Governance Day’ palai lai kha Tripura Institution for Transformation eba TIFT.Good Governance department ni office ni panda no songsai rwkha montri okra, ah kwtal office o Chief Minister War Room, Tripura ni tong nai rok ni bagwi Portal, Media Monitoring Cell, Mobile Common Service Center ni logi kwbangma unit no songsai rwkha tang salo. ah salni panda o phawi manjak phai kha Tripura hapang ni rangthong montri Pranajit singh roy, hukbar tei pherang tang bedek ni montri Tinku roy. ah salni panda ni simi montri okra saklai kha, bharat hakotor ni bising o kai chi sini thai o
transformational institutions songsai rwjak kha, phiya chengjak kha simi kai bwrui thai o, kaiba thaio tini chengsai rwjak kha Tripura oh.montri bokhorok Narendra modi ni naikol mwng o bwskang ni phasing thang nani nai tong kha haste. gujrat ni model ni kahai no samwng ungwi tong kha haste o. tripura haste ni hamkwrai ni bagwi Tripura Institute for Transformation songsai rwjak mani abo rok belai khe no kaham hwnui saklai kha montri okra Dr.Manik saha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
