Borok rok bijab poriwi jeswk experience naharwi mano, aboni sai practical samung ni bising twi teibu experience naharwi mano. Sak baithangni experience no samungo phwnangwi haste ni dentle college no teibu bwskango twlangna nangnai- koktisalo National Dentist Day, Indian Dental Association, tei Tripura State Branch ni 22nd Annual Conference o manjagwi joto dentist rok bo abohai no sakha haste ni montri okra Dr.Manik Saha. Bo teibu sakha Tripura haste no educational tei medical hube swnamna naio tabok ni haste haphang. Aboni bagwi no joto no thansa khe samung ma khwlainai hinwi sakha bo. Sak naikolmani logi, Dentist naikolmungmani phasingbo haste ni lukorog no kaham naikolmung rina bagwi joto sak naikolnai rok no bwskango phaina bagwi koikha. Aboni logi asalni koklam pandao sakha, haste haphangni nog brom brom kaham naikolmung samung bwtango tabok ni simi Dental services no bo gwdalrina bagwi sakhwlaikha montri okra. Asalni pandao montri okra no karwi bo manjakha haste ni sakham tei nukhung hamkrai tangbedekni secretary Sandeep R Rathore, sakham tangbedekni tangphang Supriya Mallik, nukhung hamkrai tei medicine tangbedekni tangphang Dr.Anjan Kumar Das, sakham rwng tangbedekni tangphang H.P Sharma, Indian dental association tei Tripura haste ni branch president Dr.Samir Ranjan Datta Chowdhury.National Dentist Day no kitingwi indian dental association, Tripura haste branch ni luajimung bai haste ni dental surjon rok no twiwi koktisalo tei tangsalo haste rwk kaisa training program songchajaknai.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
