Malmata rog lirmani bisingtwi hasteni rangthong ni yaphang rogno kwrak wngna bagwi chubachu mano. je lukurog malmata lirwi ajimung khwlaiwi tongo borog tripura hasteni rangthongno kwrak khwlaina bagwi belaino nangkukmani yakumu rijak hasteo. cha salo slagra hangkhor oh hangkhor rwk ‘mukhya montri prani palan samman’ samung bwtang ni pandao manjakgwi koknarwkna thangwi omo haino sakha hasteni malmata tang bedekni montri Sudhangsu Das. khursathai kwlai kami amchai bising rogo je lukurogni thanio sebok ni sep kwrwi, borog malmata lirmani bisingtwi ajimung khwlaiwi tongo. tabok borogno kha thangsa rina bagwino haste haphangni bwkhak twi ‘mukhya montri prani palan samman’ mungwi kaisa kwtal samung bwtangni yapri naharjak kha.oh samung bwtango joto block ni no khorok bachi eba 50 jona lukurogno samung bwtangni sep rijakgo haphangni bwkhaktwi. sep manai lukurogni haphangni bwkhaktwi bisibrumno 6000 rangni chubachu khwlaijaknai. samung bwtangni sep mana bagwi tong kusung lukurog tang bedekni haba nogo thangwi mungsaswk bejua rogo kwlaiya twikhe borogni bank account oh rang rijaknai. ah sal ni pandao’mukhya montri prani palan samman’ samung bwtangno karwibo , prani sampad bikash tang bedekn bwkhaktwi kubuni kaham sep lukurogni yak yapharwi rikha montri sudhangsu das.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
