Rayabari amchaio sarkari thaio patta manai rog aro bolong hukna thangwi aro tonagwi tongnai bangthaya bosongni lukurog bai kebengmung khwlaijak kha. police ni bwskango kai nwi bodolni kwcharo bulaimung rog wngo. amo bagwi aro tongnai khoroksa bangthaya bosongni borokni nogo hor phwnangwi rio patta manjak khoroksa borok. cha salo patta manjak rog haino hai borogni thaio bolong hukna thangkhe teisa kok banglaimani nukjak kha. aro tongwi tongnai bangthaya bosongni lukurog sakha , patta manjak rog aro phaiwi borogni nog rogo hadol khitaro hinwi. tei khongsa nogo hinkhe ho rbo phwnangwi rikha. jora kisa swkangno aro tongwi tongnai khung nwi chiba nukhongni lukurogno bangladeshi hinwi aroni kutolna bagwi dagimung rikha dorbarnog. phiya bharat ni tongnai wngwi je documnets rog nango amo rogno phunukgwi tabok bo ah thaio tongw tongo borog. phiya cha salo naimwthangni bodolni bwkhaktwi borogni saklaijak kha sal thamni bisingo ah thai yakarna bagwi. tomungo borog oh saklaimungno gosiya hinkhe kubuni raida bai yapri naharjaknai hinwi sakha . oh patimungo joto kokthaio dalal hinwi sakha bwkhaste police naikulnai Nirupan Datta. bo sakha patta manjak rog bolong hukna bagwi simi thangmani aro tei ah jorao borogni logio naimwthang bodol bo tongmani. ah jorao mungsa phano hamya samung khwlaiya borog. tabok aro tongwi tongnai lukurog haste haphangni thanio koimung khwlaikha borogno tongna bagwi kubuni thai ridi hinwi .
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
