Pha salo salgwra Tripura ni phasing beraina bagwi thangkha ahh tang bedek ni montri Sudhangshu das.abo ni ulo no bo salgwra Tripura hangkor naikolnai ni conference hall o koksalai mwng sabha khwlai kha. ah achuglai mwng o joto kwchug thai ni ARDD tei fisherie ni logi SC welfare tang bedek ni dal bidal samwng bwtang no twi kok salai kh.tei abo ni logi tei bomtwi khe samwng khwlai khe kaham ung nai abo rok no twi bo kok salai kha, ARDD tei ahh, SC ah kai tham tang bedek ni samwng rok kendriya tei haste hapang ni bwkhak twi songsai rwjak mani abo rok bwsuk jora twi kaham ung kha abo rok no twi bo kok salai kha. hapang ni samwng bwtang rok bobo hai khe kami hatai rogo tei hoda rogo teibo kaham khwlawi samwng ung nai abo no twi bo kok salai kha. montri Sudhangshu das saklai mani, lai thanai tal bwrui ni swkang kok salai mani samwng bwtang no twi tei naikolna bagwi tini ni beraimwng khwlai nani phaikha.bo teibo saklai kha 2023-24 bisi ni financial year pai nani jora tei tal nwi se tong sio, ah jora ni bising o joto benefit loku rok ni thani bobo hai khe phologwi rwjak nai abo no twi achuglai mwng. tei je samwng rok deramwng rogo kwlai jak abo rok dati khe pai nani no chini naikol mwng hwnui sakha montri Sudhangshu das.ah sal ni sabha o montri no karwi bo phawi manjak phai kha salgwra Tripura hangkor parisad ni naikolnai Bhabotosh das, SDM Samonjoy jamatia tei hangkor ni joto kwchug thai ni samwng khwlai nai tei naikolnai rok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
