Haste ni sikla sikli rok no sebok rina bagwi swrai swrai khe sebok twlangjakha. Aboni wngwi no thanai 13-september ni salmario JRBT bai naikoljak group-c amjokmungo wngkhari wngnai rokni mung sakhwlaikha haste haphang. Sangrong salo tiprasa hamkrai ni TRP tei PTG tangbedekni conference hall o kaisa panda songchajakha. Asalni panda ni bising twi JRBT ni khorok chi nwi candidate rok no appointment letter yapharwi rikha haste ni tiprasa hamkrai, minority tangbedekni montri Sukla Charan Noatia. Aro ni bisingo khorok chi sa candidate lower division clark ni achukthaio sebok mankha tei khorok sa mankha agri assistant ni achukthaio. Asalni pandao kok narukna thangwi haste ni minority tangbedekni montri Sukla Charan Noatia sakha, capable candidate rok no sebok mankha, borok ni merit list check khwlaiwi no joto tangbedekni candidate rok no sebok rijagwi tongo. Sal kisa swkango rwng phwrwngnai rok no sebok rijakha, arobo hai no merit list check khwlaiwi no sebok rijagwi tongo. Sebok manai rok no kok kwcharthani bo teibu sakha, borok ni achukthai ni borom no narukna bagwi swrai swrai khe sak tharwi samung khwlaina bagwi dagikha bo. Sebok manai rok jadi kaham khe samung khwlaiya hnk eba borok ni achukthai no twiwi ego phunugwi tongkhe Hakotor ni montri bokhorok Narendra Modi bikasita bharat sankalp yatra ni bising twi hakotor ni joto kwrwi lukorog no rangthong ni bising twi kwrak khwlainani je emang nukha, ah emang mwkthang wngwlak hinwi sakha. Aboni logi bo teibu sakha, haste ni bagwi belai no borom ni kok, tamoni hnk tini ni salo haste khorok chi bwrwi IAS rok ni promotion wngkha hinwi sakha. Borok sak baithangni samungno sak tharwi khwlaimani bagwi no borok tini promotion mankha hinwi sakha haste ni minority tangbedekni montri Sukla Charan Noatia. Asalni panda appointment letter manwi belai no khatung khaza wnglaijak joto sebok manai rok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
