Haste ni montri okra Dr.Manik Saha ni yak ramwi Agartala doly ni naithothok khwlainani simi chengsawi kwbangma hamkrai ni projects no twiwi sak tharwi samung khwlaiwi tongo Agartala municipal corporation. Thanai 2019 bisi ni january talni simi chengsajakha Akhaura lahar ni drain sap sutra khwlaimani tei swnammani samung bwtang. Sal kolokma ramwi modern technology bai drain swnamjagwi tongo. Tabok mamximum paitutwi wngkha. Phasalo Akhaura khal sap sutra tei swnammani samung bwtang rok no naicherna thangkha Agartala municipal corporation ni mayor Dipak Majumder, commissioner Dr.Shailesh Kumar Yadav no khobui corporation ni kubuni adongrok. Drain swnamung naichermani yagulo mayor sakha, drain no muthobwi samung khwlaimani bagwui no agratala o thampui barikha hinwi sakha bo. Phiyabha thampui ni mari komirina bagwi sal kisa ni yagulo no samung khwlainai hinwi sakha bo. Spre mechine ni bising bithi sarjagwi tongo. Akhaura lahar ni samung paikhe auli rwgwi thampui yakni kakgwi manai hinwi sakha mayor Dipak Majumder.Phainai 2-1 talni bisingo akhaura khal ni samung bwtang painai hinwi sakha mayor Dipak Majumder.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
