Haste o BJP ni haphang khamani yagulo thanai bisi ba ramwi Tripura haste ni lukorog ni ajimung barikha. Swkango 39 thousand self help group tongmani, phiyabha tabok BJP haphangni jorao abo bariwi 4 lakh 66 thousand wngkha. Rangthong ni oh hamkrai oh chubachu khwlaikha Tripura Gramin Bank. Sangrong salo Tripura Gramin Bank ni 48 bisi pungsama salno kitingwi songchajak pandao manjagwi abohai no sakha haste ni phereng tangbedek tei hukbar tangbedekni montri Ratan lal Nath. Asalni pandao bono karwi bo manjakha Agartala municipal corporation ni mayor Dipak Majumder no khobui kubuni adongrok. Haste ni hamkrai ni bagwi bisi kolokma ramwi sak tharwi samung khwlaiwi tongmani bagwi Tripura Gramin Bank ni sebok rok no hambai yapharkha bo. Aboni logi bo teibu sakha, Gramin bank haste ni lukorog ni thani kaisa borom ni kok, banking service o bisi kolokma supungkha borok. Sangrong salo ah panda ni bising twi lakai naharnai rok no check yapharwi rikha haste ni hukbar tangbedekni montri Ratan Lal Nath tei Agartala municipal corporation ni mayor Dipak Majumder.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
