Thanai 13-december ni salmario aulini Anang Mohini Girls Hostel oh phachi chawi thwikha Bijoy Kumar girls school ni rwng swrwngnaijwk Siyari Jamatia. Hati barsa laimani yagulo bo Patimungno twiwi kaham khe naicherya ni bagwi kaham khe lekha swrwngwi manya wngwi tongbaikha hostel ni 150 swrwngnaijwk sng. Hostel o abohai kirima sinsa patimung patimani bagwi belai no kiri koro wnglaijak swrwngnaijwk sng. Aboni bagwi kebo kebo hostel ni ongkhorwi thangkha tei kebo kebo nogo thangkha abohai khe no hostle bhukcha wngnani naiwi tongkha. Tei bwskango no borok ni amjokmung, phiyabha borok ni class bo kaham khe wngya, tei swrwngnaijwk sngbo kirijaklaiwi hostel o kaham khe poriwi manya. Aboni bagwi sangrong salo patimungno cherwi nainani sanmungno twiwi kok tisakha Tribal students union ni adongrok. Asalo borok rwng swrwngnai swrwngnaijwk sngni amjokmung no twiwi kok sakha TSU ni general secretary Sujit Tripura. Bo teibu sakha, Stipend formfill-up khwlaimani website belai no slow eba total bonda wngjakno hinwi mano hinwi sakha bo. Aboni logi kwbangma students rok kami kami ni aulio nog bara tongwi lekha swrwngwi tongo, borok ni stipend formfill-up khwlaiphuru husteler rimano mwthagwi rijakha. je rwng swrwngnai swrwngnaijwk sngni nog college ni simi 15 kilomiters laikhe borok husteller riwi mano, phiyabha kaisa kubuini koktwma wngkha. 90 % tiprasa rwng swrwngnai swrwngnaijwk sngno agartala o bara tongwi lekha swrwngwi tongbaio. Aboni bagwi borok no husteller ni sep rina bagwi kok tisakha TSU. tei aboni logi hostel rogo dakti dakti no warden no tichokna bagwi koikha. Sangrong salo kai bwrwi sanmungno twiwi Agartala Gurkhabosti ni tiprasa hamkrai tangbedek oh thangwi deputation rikha Tribal Students Union Members. Asalni deputation oh manjakha TSU ni general secretary Sujit Tripura, TSU ni president Netaji Debbarma no khobui kubuni adongrok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
