hasteni montri okra Dr.Manik Saha ni naikulmung bai haste gwnangwino phekjaknai manwino kebengwi samung khwlaijakgwi tongo. salgra tipura hangkhorni kadamtala thanani officer Shivo ranjan ni chaitokmung bai tabok romjak kha 40 lakh rang ni phekjaknai manwi. patimungo Rashid Ahemad mungwi khoroksa borokno rom kha police rog.romjaknai ni nog assam ni karimganj hangkhorni patharkandi thana gana Haitorkala amchaio. swrang salni sairikgo kadamtala thanani OC Shivo Ranjan huijak koktwmani bisingwi oh naikulmung khwlaikha. ah salo kadamtala – chorai barii lamao police bodolno twiwi huijak koktwma rwkgwi phekjaknai manwi twijak malkhung tei malkhung chaloknai no romkha police rog. yagulo thanani DCM Genious Debbarma , dharma nagar bwkhaste police adong Debasish saha bo patimung thaio sokphai kha. naitukmung khwlaima yagulo kai dok saban ni packet oh phekjaknai manwi dajak mankha police rog. salgra hangkhorni police super Banupada Chakrabartty sakha , ah kai dok saban ni packet oh 437 gram phekjaknai manwi mankha. romjaknai Rashid Ahemad no kebengwi NDPS ni mamla khwlaijak kha. sangrong salo bono dorbar nogo tichokjak kha .
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
