JRBT group-c ni amjokmungo wngkhari wngnai khorok char candidate rok no swrang salo Secretariat ni 3 no conference hall o kaisa panda ni bising twi offer letter yapharwi rikha haste thanglaisu tangbedekni montri Sushanta Chowdhury. Thanai 13-september ni salmario JRBT group-c ni list sakhwlaijakha. Ah list oh 1980 candidate ni mung sakhwlaijakha. Aroni bisingo kwbangma candidate rok no offer letter rikha haste haphangni kwbangma tangbedek. Thanglaisu tangbedekni lower division clark ni achukthaini bagwi swrang salo khorok char candidate no offer letter rijakha. Asalni pandao montri no karwi bo manjakha thanglaisu tangbedekni Assistant Secretary Subrata Chowdhury. Asalni pandao kok narukna thangwi thanglaisu tangbedekni montri Sushanta Chowdhury sakha, capable candidate rokno no sebok tichokjakha. Thwng rwng habarno nasigwi rijakya, sabo bo party khwlai, aborokno nasigwi sebok rijakya. Sebok mannai rokno swrai swrai khe koboini bising twi sak tharwi samung khwlaina bagwi dagikha montri Sushanta Chowdhury. Bo teibu sakha, aro Corruption ni mungsa thai kwrwi, jora nangfano swrai swrai khe sak tharwi samung khwlaiwi tongo haste haphang. Aboni logi koboi tei swrai swrai khe sak tharwi samung khwklaina bagwi JRBT o sebok manai rok no dagikha bo. JRBT ni candidate rok offer letter manwi belai no khatung khaza wnglaijak. Thanai 13-september ni salmario JRBT group-c ni list sakhwlaijakha. Paithago nasinglaimani jora paikha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
