dharma nagar ni khungsa kwcham tei belaino mung gwnang mwtai nogo sikok rogni bodol manwi khok kha. Patimungo saimankha, kwrak salni sairikgo dharma nagarni hari mandir oh sikok hap kha. Mandir ni tala swbaiwi mwtai nogoni ruphai tei rangchak rogni manwi khwnwi rog khokgwi twlangkha sikok rog. Swrang salo ni phong ah mandir ni pujari nogni nokhorna naikhe saimankha , bini nogni dogar ulta bwkhaktwi berepjak. Nogni ul phaisingni dogra twi nokhorwi mandir oh thangkhe sikok hapmani patimung saimankha. Paithakgo dharma nagar thanao mandir oh sikok hapmani koktwma rijak kha. Patimungni koktwma manwi patima thaio thangwi sogwi kha salgra Tripura hangkhor ni police super Banupadha Chakrabarty, dharma nagar Bwkhaste ni police adong Debashish Saha no khobwi kwbangma police bodol. Aro thangwi police rog saimankha manwi khokna swkang sikok bodol rog mandir ni cctv rog hamya khwlaiwi rikha hinwi. police rogno bataiwi no omo daily no sikok rog akarwi tongkha haste. Tabok dharma nagarni mandir oh sikok hapma no twiwi naicherna chengwi rikha police rog. Sikok rogno romwi da mano amo ulo saimanai.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
