Phai tongnai christmas no kitingwi samwng btang yago nahar jak kha Mariam Nagar ni santir rani Catholic Church. christmas sal no kitingwi ter ni jora rogo kwbang khe no loku kwthumlai mwng ung mani nukjago church o,
christian dharma ni logi dal bidal dharma ni loku rok bo tero thangwi tongthok mani nukjago. christmas no kitingwi swrang salo kaisa sabha khwlai kha khayerpur ni MLA Ratan chakraborty. church berai nawi mariam nagar school o songsa jak mani achuglai mwng o phawi manjak phai kha bo, bono logi rikha khayerpur mandal achugphang, 9 no. ward ni councilor ni logi kwchug thai ni naikol nai tei samwng khwlai nai rokachuglai mwng pawi MLA saklai kha, christmas no kitingwi phai tong nai 25 tei 26 december salmari o sal nwi ni bagwi mela songsa jak nai mariam nagar o,jishu christ ni achai mani sal no bwskang o tonwi naitho thok khwlai tong kha church no.mela songsa nani bagwi bo samwng bwtang chengwi rikha, phai tong nai 25 december ni phung o songsa jak nai jishu christ no mwitu khwlawi suri mwng panda. church ni phatar o cake rana ni panda o phawi manjak phai nai haste ni montri okra Dr.Manik saha, sarig o mela no songsai rwnai agartala pura nigam ni mayor Dipak majumdar, mwng sa bo hamya pati mwng patiya twi mela o abo ni bagwi hapang ni bwkhak twi kwbangma sep nahar jak kha hwnui swrang salo saklai kha MLA Ratan chakraborty. Christmas no kitingwi songsa jak mani mela o joto dharma ni loku rok no phawi manjak nani bagwi kobok mwng khwlai kha khayerpur ni MLA Ratan chakraborty.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
