Hakotor ni nwi chi bwrwi haste tei kendra haphang bai naikoljak 68 hangkhor ni 8 thousand sai kwbang gram panchayat ni bising twi ‘Bikasita Bharat sankalp yatra’ no chengsawi rikha hakotor ni montri bokhorok Narendra Modi. Thanai bisi rogo Modi haphangni jeswk hamkrai ni samung bwtang wngkha, aborok no oh yatra ni bising twi phunukjaknai. Aboni logi tiprasa rok ni hamkrai ni bagwi haste haphangni bwkhak twi yapri naharjak kwbangma projects ni kok rok sajagwi tongo. Tei oh projects no mwkthang khwlaina bagwi barja naharkha kendra haphangni kwbangma tangbedek. Phainai bisi eba 2024 bisi ni 26 january ni salmari jora cholinai oh yatra. Tripura haste ni joto panchayat-oh chengsajagwi tongo ‘Bikasita Bharat sankalp yatra’ ni samung bwtang. Kwrak salo Sonamura bwkhaste bai khobjak Ashabari gram panchayat oh songchajakha ‘Bikasita Bharat sankalp yatra’ ni panda. Asalni pandao manjakha Boxonagar bidhansabha kendra ni MLA Tafazzal Hossain, Sonamura bwkhaste achukphang Maniklal Das, Boxonagar block panchayat samitini ni chairpersion Sanjoy Sarkar, Boxonagar block ni officer Animesh Debbarma, Ashabari gram panchayat ni pradhan Minowara Begum. Asalni pandao kok narukna thangwi MLA sakha, hakotor ni kwrwi lukorogni kok no wansugwi kami kamio Vidyajyoti english medium school swnamkha montri bokhorok Narendra Modi. Kwrwi lukorogni bagwi english lekha swrwngnani sep khwlaiwi rikha bo. Aboni logi Pregnant bwrwi rok ni bwkhak rokni bagwi bo nangkukmani yapri naharkha kendra haphang. Chwrai achaimani yagulo Kaham chamung rinani bagwi kwbangma nangkukmani projects ni bising twi rang rinani yapri naharkha kendra haphang. ‘Bikasita Bharat sankalp yatra’ projects no mwkthang khwlaina bagwi tongkosong lukorog ni simi chengsawi haste haphangni kwchuk beremni officers rok no chubach
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
