Lai thanai 28 october salmari ni horo agartala surjyamani nagar kali mwtai nogo habwi mwtai ni rang chak ni manwi ni logi nangkuk mani manwi khwnui khogwi twlang thang kha sikok. kali mwtai nogo sikok akarmani pati mwng o khorok bwrui sikok no romkha police,tang sal ni sanja jora kokthum panda khwlai ah kok rok saklai kha, salthang hangkor ni police super Kiran kumar K. romjak nai rok ung kha, kadamtala ni Faruk mia, Mohammad Nazrul Islam, srinaghar ni Sagar majumdar tei Sagar nama, sathai kwlai o, lai thanai 28 october kali mwtai nogo sikok akarmani, pranami box ni rang tei mwtai ni rang chak ni manwi joto no khogwi twlang thang kha, CCTV ni footage nawi cherwi naikol mwng o ongkhor kha police, puila o khe Faruk mia no romkha, bono swng mwng khwlai khe teibo khorok tham no romkha, abo ni logi borok ni thani police kai nwi bike mankha, abo ni logi khogwi twlang mani rang chak ni manwi bo mankha hwnui saklai kha SP. Kiran kumar K. tei khak sa phasing khe sikok akar mani pati mwng o sikok rok no rom mani bagwi hambai yaphar kha kali mwtai ni tangpjhang police no.tei abo ni logi saklai kha tei pati mwng bai gwdal jak da tong abo kaham khe cherwi naikol khe no mwng kasai phai nai.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
