Kebeng nai bodol rok simi pher sher khwlawi mano samwng no twi.haste ni loku rok kaham khe no saimankha, congress ni phasing tei naharwi tongkhe ungalak. 2023 bisi ni bidhansabha chongmari o congress phunokgwi rwkha CPIM bai thansa ungwi. phiya ba simi sak ni thung kwrung no twi no samwng khwlai tong kha borok. haste o agi rogo kaisa habar tong mani, chongmari phai khe no bwthar jak mani, hor soksai rwmani kahai pati mwng rok nugwi mankha Tripura ni loku rok. pher sher khwlai mani o ah kai nwi bodol no tabuk thansa ungkha.”Vikshit bharat sankalpa yatra no kitingwi dharmanagar o songsa jak mani kaisa loklu kwthumlai mwng panda o phawi manjak phawi thung kwrung bodol congress tei CPIM ni ah salo naharwi kok sakha haste ni montri okra Dr.Manik saha.salgwra Tripura hangkor dharmanagar BMS ni haba nogo BJP salgwra hangkor committee ni luajimung bai songsa jak mani kaisa loku kwthumlai mwng panda o kwrak salo phawi manjak phai kha pradesh BJP ni achugphang Rajib bhattcharjee, Tripura bidhansabha ni speaker eba dharmanagar ni MLA Bisawbandhu sen, salgwra hangkor ni pravari Tapash bhattacharjee, hangkor achugphang Bhabotosh das, hangkor achugphang Malina debnath tei dharmanagar pura parisad ni chiarperson Pradyot dey sarkar.kendriya hapang ni loku kebeng mwng samwng bwtang no twi ah salo kok samani nukjak kha montri okra no.bo saklai kha,hakotor ni montri bokhorok Narendra modi bo no chini emang no soi khwlai mano, modi teibo nai tong kha hakotor ni joto loku rok no kaham sep rwna ni bagwi, bharatiya janata party naikol nai joto haste o no kaisa kaham wansukmwng ni hapang tong o.hakotor ni dal bidal amchai rogo kendriya hapang ni bwkhak twi rwjak mani samwng bwtang no loku rok ni thani tisai phunok nani bagwi lama rogo berai tong kha modi ni guarantee malkhung. Hakotor ni montri bokhorok Narendra modi tei haste ni montri okra Dr.Manik saha ni naikol mwng o kaham habar no kiphilwi phai kha haste o. bwrui rok no teibo kaham yapri rwna ni bagwi dal bidal samwng bwtang tubwi tong kha kendriya hapang. kwrui thai ni joto bwrui rok ni bagwi zero balance rwjak kha bank account.Ujjwala Jyoti Yojana o hakotor ni bwrui rok ni bagwi magnang no LPG gas ni sep khwlai rwkha montri bokhorok. AYUSHMAN bharat ni simi chengwi Ujjwala yojana, jol jivan mission abo ni kahai joto sep rok no rwkha nok nogo modi hapang.dharmanagar o songsajak mani kotor loku thum panda o phawi manjagwi kwrak salo abo hai khe no saklai kha bharatiya janata party ni haste achugphang Rajib bhattacharjee, bo teibo saklai kha, phai tong nai january tal ni simi teibo 30 thousand’s loku rok ni thani hoda ni bhata sep khe rwjak nai hwnui saklai kha haste hapang. abo ni logi phai tong nai salo Tripura haste o vande bharat train rwna ni bagwi kok bo saklai kha pradesh BJP ni achugphang. dharmanagar pura parisad ni bisi nwi pung mani salno kitingwi pura parisad ni chairman Pradyot dey sarkar no ah salo borom rikha montri okra Dr.Manik saha, abo ni logi panisagar nagar panchayet, kadamtala panchayet samiti jubaraj nagar panchayet samiti tei kalachara panchayet samiti ni bising pung mani salo borok no bo borom rwjak mani nukjak kha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
