Lai thanai bisi nwi eba bisi tham o tabuk ni hapang kaham khe naikol mwng khwlai mani ulo haste ni sakham rogo kaham khe no swlai jak kha, abo ni bising o ungkha Agartala Government Dental College songsai rwjak mani. tang salo tong mani college ni foundation day. ah salno kitingwi tang salo rajakhor aguli ni rabindra satabarshiki bhavan o kaisa panda songsa jak kha. ah salni panda o phawi manjak phai kha haste ni montri okra eba sakham tang bedek ni montri Dr.Manik saha, haste hapang ni okra sachib JK.singha tei sakham tang bedek ni sachib akosong. tabuk ni jora o sakham naikol mwng rogo kaham samwng ungwi tong kha tei kotor kotor operation bo ung kha haste ni medical college o tei abo ni logi haste ni loku rok no teibo kaham khe dental service rwna ni bagwi haste hapang ni bwkhak twi tini ni simi bisa ni swkang IGM sakham nogo dental college songsai rwjak mani tei phai tong nai sal rogo dental service no teibo kwchug o karwna ni bagwi teibo kaisa dental college swnam nani wansugwi tongkha hwnui sakha montri okra. phai tong nai sal rogo dental college o rwng swrung nai tei swrung nai jwk ni bagwi je sep nahar jak tong o ayang phasing bo naikol nai montri okra. tei ah institution no kitingwi “Centre of Excellence” tei chenrwi naikol nai kaisa kendra tisa nani bagwi joto nono thansa khe samwng khwlai nani kobok mwng khwlai kha montri okra.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
