Hoda ni joto lukorog ni bisingo haphangni joto projects ni sep sap sagwi rina bagwi tharwi samung khwlaiwi tongo Bharatiya Janata Party. Hakotor ni montri montri bokhorok Narendra Modi ni naikolmung bai tei haste ni montri okra Dr.Manik Saha ni chubachu bai Tripura haste ni bwrwi rok ni hamkrai ni bagwi sak tharwi samung khwlaiwi tongo double engine haphang. Tamoni hnk chwng joto ni no puito je, bwrwi rok ni hamkrai ni bising twi no hoda ni hamkrai wngnai- Koktisalo 9 banamalipur mohila morch ni luajimung bai songchajak kaisa maha sammelon manjagwi abohai no sakha pradesh BJP ni president Rajib Bhattacharya. Asalni pandao manjakha Tripura mohila commission ni chairpersion Jharna Debbarma, Agartala municipal corporation ni councillor Sukhamoy Saha no khobui kubuni adongrok. Yaksi bodolni amol o tripura haste o 4 thousand self help group tongo. Phiyabha tini ni salo abo bariwi 36 thoussand wngkha. 160 group ni bising twi 9-Banamalipur amchaio 1600 bwrwi rok hamari mankha. Asalni pandao kok narukna thangwi pradesh BJP ni president Rajib Bhattacharya sakha, hakotor ni bwrwi rok no sak baithangno bhachariwi manrina bagwi kwbangma kendra haphangni projects no phiyogwi rijakha. Kwrwi bwrwi rok ni bagwi zero balance bank account khologwi rikha Narendra Modi. Ujjala jyoti yojana ni bising twi hakotor ni bwrwi rok no LPG gas ni sep sap khwlaiwi rikha montri bokhorok Narendra Modi. Aboni logi 3 talak raida no mwthagwi minority bosongni bwrwi ni langmao kaisa langma swikha Modi haphang. 2023 bidhansabha chongmario chwla rok ni sai 3% bwrwi rok vote rikha. Matrishakti joygan rwchabwi haste ni voters rok no asalo borom yapharkha pradesh BJP ni president Rajib Bhattacharya. Aboni logi self help group ni bising twi manwi khwnwi phalmani tei self help group ni bising twi lakai rimano khobui borok no sak baithangno tisana bagwi barja naharkha pradesh bjp ni president Rajib Bhattacharya.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
