Koktisalo Tripura Agricultural Graduate Association ni 11 bisi Annual Conference songchajakha. Rabindra Bhavan o asalni panda songchajakha. Asalni pandao manjakha haste ni hukbar tangbedekni montri Ratan Lal Nath, Pradesh BJP ni president Rajib Bhattacharya, haste ni hukbar hamkrai tangbedekni tangphang Saradindhu Das, Horticulture Department Director Phanibhushan Jamatia, Tripura Agricultural Graduate Association President Rajeev Ghosh, Tripura Agricultural Graduate Association ni General Secretary Sujit Das no khobui kubuni adongrok. Asalni pandao kok narukna thangwi hukbar montri Ratan Lal Nath sakha, north-east ni kubuni haste ni sai, Triputa haste ni thai joto ni sai kom. haste ni 100 % thai ni bisingo 24 % thaio hukbar khwlaijagwi tongo phiyabha aboni yagulo bo chamungni manwi khwnwi swnamao sak baithangno bhachawi mankha Tripura haste. Kendra haphangni kwbangma projects ni bising twi no abohai wngwi mankha. Asalni pandao kok narukna thangwi pradesh BJP ni haste president Rajib Bhattacharya sakha, Haste eba hakotor no rangthong ni bwkhak twi kwrak khwlaina bagwi kaisa lama wngkha hukbar khwlaimung. Aboni bagwi no haste ni hukbar khwlainai rok no chubachu khwlaina bagwi tei borok no hukbar no twiwi hujak khwlaina bagwi kendra haphangni bwkhak twi kwbangma projects phiyogjakha. Asalni pandao khorok char hukbar khwlainai rok no Tripura Agricultural Graduate Association ni bwkhak twi borom yapharjakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
