Gandhachhera-Raishabari ni lama swnammao khorok sa contractor crore rangni heer-pher khwlaiwi romjakmani yagulo, ah contractor no Gandhachhera-Ambasa lama ni returning wall swnamo hinwi saimankha. 7 crore rang swbaiwi returning wall swnamjakha hinwi saimankha, phiyabha ah wall rok tabok no baiwi kwlaina chengkha hinwi saimankha. Joto returning wall bwskango tui hamya rwchaya wngnani bagwi haa-lojakha, twikhe ah returning wall o nangwiya wngnani bagwi, phiyabha tui nangyani yagulo bo tabok ah wall ni itt rok yang ayang pisarjagwi bawi kwlaiwi tongkha. Koktwmao saimankha, Amarpur ni khorok sa contractor Sanjit Kumar Prasad dakti dakti no wall swnammani samung khwlaikha, tei dakti dakti no samungbo pairiwi rikha. Ah jorao amchaini lukorog koksilsamani yagulo bo mungsa kok khwnaya ah contractor. Aboni bagwi no tal thamni yagulo no baiwi kwlaikha kaisa koisu wall. Oh jorao amchaini lukorog haste haphang ni thani patimungno twiwi naichermung sankha. Tabok abono nainani naimwthang bodol ah contractor no kebengwi tamo yapri nahar. Khursathai kwlaio swkango oh contractor no kebengwi waire wai no koksilsamung kasakha phiyabha bono kebengwi mungsa yapri naharjakya hinwi saimankha. Aboni bagwi belai no jolilaijak amchaini kubuni contractor rok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
