Rajakhor aguli ni rabindra satabarshiki bhavan o Tripura ni montri okra Dr.Manik saha tei thung tang bedek ni montri Tinku roy phawi manjak phaima oh JRBT group-C amjwk mwng o kwplai ung mani 1 thousand’s 280 jona sebok man nai rok ni yago appointment letter yapharwi rikha cha salo. lai thanai 13 september phologwi rwjak mani JRBT group-C ni result. phologwi rwjak mani 1 thousand’s 980 jona ni mwng rok, borok ni bising o khak sa no offer letter rwkha Tripura hapang ni Finance tei Agriculture tang bedek. dal bidal tang bedek o Lower Division Clerk Post ni bagwi haste hapang ni bwkhaktwi cha salo appointment letter rwjak kha teibo 1 thousand’s 280 jona no. kaham khe naikolwi no sebok o tichok jak kha hwnui sakha montri okra.abo ni logi sakha hamya samwng rok khwlai kha bharat hakotor o, corruption word no norna bagwi samwng khwlai tong kha hakotor ni montri bokhorok Narendra modi.ayang phasing nasingwi no samwng khwlai tong kha Tripura bo. abo ni logi samwng khwlai nai rok mwng sa bo sanlai mwng khwlai nani swkang no kwham hamkwrai ni bagwi samwng khwlai tong kha haste ni bharatiya janata party hapang. tei dati khe no JRBT ni group-D ni bo bwthai rok phologwi rwjak nai hwnui cha salo saklai kha montri okra Dr.Manik saha. Phai tong nai 2047 bisi o bharat hakotor ni’biswa guru’ni thaio naina mwchug o hakotor ni montri bokhorok Narendra modi. kaisa kwtal bharat no bwskang o twlang nai sikla hoda no.rabaindra sa tabarshiki bhavan o sebok man nai rok ni offer letter bagwi rwmani panda o phawi manjak phawi cha salo abo hai khe no saklai kha Tripura hapang ni thung tang bedek ni montri Tinku roy. Thanai 13 september salmario JRBT group-C ni list phologwi rwmani ulo nasingjak tong mani buphur offer letter yago sok phai nai, tabuk khe ah emang rok soi no ungkha sebok sikla sikli rok ni.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
