O bisi ni thanai 17 september salmario Vishwakarma mwtai ni salo hoda ni samwng khwlai nai rok ni bagwi’PM Vishwakarma’samwng bwtang no chnegwi rwmani hakotor ni montri bokhorok Narendra modi. 2023-24 bisi ni simi chengwi 2027-28 bisi jora 13 thousand’s crore rang rwjak nai ah samwng bwtang ni bagwi. hakotor ni samwng khwlai nai rok ni bagwi rang chubachu rwnai kendriya hapang ni ah samwng bwtang. ‘PM vishwakarma yojona’ ni samwng bwtang o tool kit ni logi nangkuk manwi khwnui ni bagwi kisa chuba chu rwjak nai samwng khwlai nai rok no. ah yojona o mwng rwna ni bagwi samwng khwlai nai rok no training rwjak nai magnang no, abo simi ah ah phuru borok bhata rok bo man nai. PM Vishwakarma yojona no twi rajakhor aguli ni Bhagat singh yuba abash o songsa jak mani workshop o cha salo phawi manjak phai kha haste ni montri okra Dr.Manik saha, bharatiya janata party ni haste achugphang Rajib bhattacharjee tei uttarpradesh ni montri Dharmanbir prajapati. abo ni ulo kokthum panda bo khwlaikha borok.cha salni panda o montri okra saklai kha, hoda ni samwng khwlai nai rok no teibo kaham sep rwna ni bagwi ah samwng bwtang songsai rwmani montri bokhorok Narendra modi. kwrui loku rok ni bagwi kaham sep nahar tong kha bo. hakotor ni loku rok ni kaham hamkwrai ni bagwi kwbangma yojona tei flagship scheme ni mwng gosimwng rwkha montri bokhorok Narendra modi, ah PM Vishwakarma yojona ni bwkhaktwi kaham khe no sep mankha hoda ni samwng khwlai nai rok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
