Haste o BJP haphang khamani yagulo haste haphang ni joto tangbedekno kaham khe naikolna bagwi sak tharwi samung khwlaiwi tongo joto tangbedekni adongrok no khobui tangbedekni montri rokbo. Haste topsilijati hamkrai tei maalmata hamkrai tangbedekni montri Shudhangshu Das salbrom no atomsa khe kaisa ya kaisa tangbedekni habanogo naicherna bagwi ongkhorwi tongo. Sak baithangni bisingo tongmani barjarok ni officers rok no waire wai koklam panda khwlaiwi tongo bo. Sangrong salo maalmata hamkrai tangbedekni luajimung bai Unakoti hangkhor-rwk review meeting khwlaijakha. Asalni pandao montri no karwi bo manjakha maalmata tangbedekni tangphang Niraj Kumar Chanchal, aah tangbedekni tangphang Santosh Das, Unakoti hangkhor ni president Amalendu Das, vice-president Shyamal Das no khobui panchayat samitini chairman no khobui kubuni adongrok. Asalni pandao koktwma thumnai rok ni bwskango montri Sudhangshu Das sakha, haste ni kai char hangkhor o no abohai meeting khwlaijagwi tongo. kaitham tangbedek bai khobjak joto projects eba scheme rok bwswk jora twi bwskango agugwi tong, tei joto scheme ni sep sap rok lukorog bwswk jora twi manwi tong, aborok no cherwi naina bagwi no sangrong salo review meeting khwlaijakha. Phainai January talni bisingo haste joto hangkhor o 2nd level ni review meeting wngnai tei phasalo tangbedekni officers rok no field visit khwlaijaknai hinwi sakha montri Sudhangshu Das.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
