Sangrong salo Santirbazar bai khobjak Manubazar yubha shakti samajik songstha ni luajimung bai Children festival tei children’s services songchajakha. Tabokni cherai rok no hakotor ni phainai salni thinang. Asalni panda no chengsawi rikha minority tangbedekni montri Sukla Charan Noatia. Bono karwi bo manjakha Santibazar bwkhaste ni achukphang Avedananda Vaidya, Santirbazar municipal council ni chairman Swapna Vaidya, vice-chairman Satyabrata Saha, Santirbazar PWD tangbedekni SDO Prabir boran Das, Bhaikhura thanani OC Bishnu Chandra Das, no khobui kubuni adongrok. asalni panda o yubha shakti samajik songstha no abohai panda songchamani bagwi hambai yapharkha. Aboni logi bo teibu sakha omar kasukya sini kaimano tei Tripura haste no phekjaknai manwi ni yak kakjak Tripura swnamna bagwi joto lukorog no bwskango phaina bagwi koikha haste ni minority tangbedekni montri Sukla Charan Noatia. Asalni panda o yubha shakti songstha ni luajimung bai hoda hamkrai khwlainai, koktwma thumnai, tei naimwthang bodol no khobui dalbidal ni lukorog no borom yapharjakha. Aboni logi amchaini hukbar khwlainai rok no hukbar tangbedekni manwi khwnwi bakjakha, tei rwng swrwngnai sngno bijab khata tei kwrwi nukhungni lukorog no ri-kotong bakjakha. Asalni pandao kwbangma lukorog bo phaiwi manjakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
