Bharatiya Janata party ni pradesh committee ni dagimung bai tiprasa ni 20 bidhansabha amchaio bodol no teibu kwrak khwlaina bagwi kwbangma samung bwtangni yapri naharjakha. Sangrong salo aah samung bwtangni wngwi no Raima valley bidhansabha o kaisa samung bwtang panda songchajakha. Sangrong salno ramwi oh samung bwtang chengsamani saltham wngkha. Oh panda wngnani swkang bodol ni sipai rok Gandhachhera amchaio kaisa kotor rally khwlaikha. Panda paimani yagulo kaisa panda songchajakha. Asalni pandao phaiwi manjakha haste ni OBC hamkrai tangbedekni montri Santana Chakma, MDC eba janajati morcha ni pradesh committee ni general editor Bhumikananda Reang, Raimavalley mondal ni president Samir Ranjan Tripura, Raimavalley bidhansabha ni khorok nwi ojama Utpal Debbarma tei Swapan Reang no khobui kubuni adongrok. Asalni pandao kok narukna thangwi montri Santana Chakma sakha, sal kisa swkang congress ni MP ni nogo 500 crore rang manmano twiwi congress bodol no kolkha bo. Asalni pandao 21 voters rok kubuni bodol yakarwi BJP bodol ni bana romkha. Borok no bodol ni bana yapharwi lamsogwi naharkha montri Santana Chakma.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
