BJP bodol bai gwdal phai na bagwi BJP pradesh achugphang ni thani sak ni mwchugma ni kok sakha CPIM ni khorok nwi adong. sangrong salo 48 karamchara mondal ni luajimung bai manughat o songsa jak mani kaisa sabha o phawi kokthum thumnai ni bwskang o abo hai khe no sakha pradesh BJP ni achugphang Rajib bhattacharjee. bo saklai kha, montri bokhorok Narendra modi ni naikol mwng o hakotor tei montri okra Dr.Manik saha ni naikol mwng o oh Tripura haste o je kaham samwng ungwi tong kha, loku rok kaham hamya rok bebang no sai manwi tong kha, oh hakotor tei haste ni hamkwrai ni bagwi no bharatiya janata party hapang. tei dal bidal thung kwrung bodol yakarwi haste ni loku rok bharatiya janata party bai gwdal phai tong kha, bharatiya janata party ni samwng rok nugwi CPIM ni kotor kotor khorok nwi adong bo sal nwi sal tham ni bising o BJP bodol bai gwdal phai nai hwnui sak ni mwchung mani kok sakha hwnui sakha pradesh BJP ni achugphang. ah salni sabha o dal bidal thung kwrung bodol yakarwi 523 nwkhung ni loku rok BJP bodol bai gwdal phai kha, sana thang khe ah 523 nwkhung ni bising no kwbang no CPIM bodol yakarwi BJP bodol bai gwdal phai kha hwnui sakha pradesh BJP ni achugphang Rajib bhattacharjee.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
