Techno india university ni bwkhaktwi dharma nagar press club oh swrang salo kaisa kokthum panda songsajak. aro manjak kha university ni vice chancellor D. Sujit kumar ghose tei Dr. Himadri Roy. aro borog sakha august tal ni simi tripura hasteno chengsajakmani techno india. university ni campus swnamjak kha agartala ananda nagarni Maheskholao. aswk sal techno india hasteo kaisa engineering college hinwi simi sinimung manwi tongo phiya tabok hinkhe university ni bwkhaktwi aro kwtal course rog chengsai rijak kha. phainai bisini simi aro law tei pharmacy course bo chengsajaknai. rwng swrwngnai rogno kha swrang rina bagwi kai dok scholarship bo chengsai rijak kha university ni bwkhaktwi. kendra haphangni kwtal rwng swrwng raida kahai khe no phwrwngjaknai university oh. kwtal raida eklogio kai nwi course khwlaina bagwi sep manai rwng swrwngnai rog. sak baithangni mochongma twi course naharwi swrwngwi manai rwng swrwnganai rog. oh bisini simi oro science , business , agriculture kahai kwbangma course chengsai rijak kha. techno india ni kwtal sep rogbai tabok hasteni rwng swrwngnai rogni kaham wngnai hinwi kha khwlaijak kha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
