Bswkango no 2024 loksobha ni chongmari. Oh chongmarino kitingwi bodol no teibu kwrak khwlaina bagwi swrang salo Teliamura Chakmaghat o kaisa lukothum panda songchakha IPFT bodol. Asalni pandao manjakha haste ni minority tangbedekni montri Sukla Charan Noatia, IPFT bodol ni president Prem Kumar Reang, bodol ni kwchuk berem ni ojama Amit Debbarma, bodolni dalbidal amchani president tei editor no khobui kubuni adongrok. Asalni panda no naikolkha Mungiakami block ni BSC ni chairman Sunil Debbarma. Asalni pandao kok narukna thangwi bo sakha, tiprasa rok IPFT bodol ni bising twi kaisa kotor laibuma swnamna thangwi. IPFT bodol tabok NDA bodol bai gwdalwi samung khwlaiwi tongo, montri bokhorok Narendra Modi ni twidulmung bai Tripura haste ni tiprasa rok IPFT bodol ni bising twi yoksamani manai. Tei NC Debbarma tiprasa rokni bagwi je emang nuklangkha aah emangno mwkthang khwlaina bagwi kendra haphang jeswk nangsak chubachu khwlainai hinwi kok rikha hinwi sakha bo. Abono puito khwlaiwi no tabok-swk jora IPFT bodol NDA ni partner wngwi samung khwlaiwi tongo. NDA bodol rok jadi IPFT bodol no samung nangliya hinwi sakhe, aah jorao IPFT bodol borok ni nangkukmani yapri naharnai, phiyabha tabok-swk jora kendra haphang tei NDA ni joto partners rok no IPFT bodol no chubachu khwlaiwi tongo, IPFT ni sanmungno kendra haphang mwkthang khwlainai hinwi kok riwi tongo hinwi sakha haste ni minority tangbedekni montri Sukla Charan Noatia. Asalni pandao 135 voters rok kubuini bodol yakarwi IPFT bodol ni bana romkha. Borok no lamsogwi naharkha Minority ni montri Sukla Charan Noatia.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
