Thangnai bisi nwi chiba rwkgwi agartala puranigam ni barja naharjak lukurog kwbang jwngjal phwnangwi kwlangjak naikulmungo. amo rogno thamokna bagwi kisa phano chaitokliya borog. lukurog borogno puito khwlaiwi samung khwlaina bagwi barja rimani . phiya mungsa kaham samung khwlaiwi manliya. tabok baithangni jorao joto ward no kaham khe naikulwi samung khwlaiwi tongo agartala pura nigam. lama kwchwng khwlaimani simi chengwi pukuri kwchwng khwlaimani tei drain rogbo kaham khwlaijak tabok. swrang salo agulini town hall oh songsajak lavarthi sommelono manjakgwi omo haino sakha agartala pura nigamni mayor Dipak Majumdar. laithangnai 8 december sal mario bisi nwi pungsakha agartala puranigamni baithani council ni. amono rwksaino lavarthi spmmelon songsajak kha swrang salo. ah saloni pandao mayor no karwibo manjak kha deputy mayor Manika Das datta , pura nigam ni yakchu commisioner Mahamad Sajjad , central zone ni chairperson Ratna Datta , mayor ni council Shampa Dey no khobwi corporator Himani debbarma. hakotorni montri bokhorok modi ni ‘ bikshit bharat sonkalp yatra’ tei prati ghar sushansan samung bwtangni bisingtwi haste haphang kaham samung khwlaiwi tongo hinwi sakha mayor dipak majumdar.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
