Loksobha chongmarini swkang Tipra motha bodol o baimani nukjakha. Lukorog ni bagwi hamkrai ni samung khwlaina bagwi tipra motha ni nwi chi members rok BJP bodol ni bana romkha. Kwrak salo Chammanu kendra ni Tipra motha ni block president Dilip Debbarma ni twidulmung bai 20 voters rok BJP bodol ni bana romkha. Haste ni kotor kebangnai bodol Tipra motha no yakarwi thangkha, oh patimung tipra motha ni supremo bubagra Pradyot Kishore Debbarma no wansukmungo tubunai. Bjp bodol ni bana rommani yagulo Dilip Debbarma sakha, lukorog ni bagwi sak tharwi samung khwlaina bagwi no tipra motha bodol yakarkha hinwi sakha bo. Bo teibu sakha, Tipra motha bodol ADC haphango achukgwi ADC no naikolwi tongo. Phiyabha raida no rwgwi mungsa bo samung wngya hinwi sakha bo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
