Mayung kwthungni akarmungo khobjagwi belai no jwngjalo kwlaijak lukorog. Jwngjalo kwlaijak lukorog ni ganao kwrwi bolong tangbedekni adongrok. Waire wai bolong tangbedekni adongrok no samani yagulo bo bolong tangbedekni adongrok mungsa kwrak yapri naharya. Tei haphangni bwkhak twi bo mungsa chubachu manya borok aah jwngjalo kwlaijak lukorog. O patimung patikha Teliamura bwkhaste bai khobjak Krishnapur ni Natun bazar, Amtali, Balluchara no khobui gana gini ni amchaio. Amchaini lukorog koksilsakha tangsalni aichugo bolong ni mayung kwthung ni kaisa bodol phaiwi amchaini kwbangma nogo chopropkha. Amchaini lukorog ni bwkhak twi saimankha, bwkhaste bolong bedekni officer Shabirkanti Das bolongni mayungno kwthungno rwknani mungwi sak baithangni jepno simi supungwi tongo tei mungsa bo khwlaiya hinwi koksilsakha. Amchaio waire wai no bolong ni mayung kwthung rok chopropkha. Chubachu ni bagwi bolong tangbedek go nangkukmani swimung duccoment rok rikha,phiyabha rangni chubachu mungsa bo manya hinwi koksilsakha amchaini lukorog. Tabok jwngjalo kwlaijak nukhungni borok rok ni sanmung wngkha bolong bedekni officers rok borok no chubachu khwlaithung. Tabok abono naijaknai tongsio bwkhaste bolong tangbedekni officers rok jwngjal kwlaijak lukorog ni bagwi bwswk jora twi sak tharwi samung khwlai tei borok no haphangni chubachu rina bagwi bwswk jora twi gwdal abono naijaknai.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
