Tang salo kaisa pandani bisingtwi hasteni montri okra DR. Manik saha ni yakbai khwlaiwi gomati hangkhor udaipur bwkhaste gana tolamura ni sak ham nogni kwtal quarter complax phiyokgwi rijak kha. khursathai kwlaio bebagwi 2 crore 25 lakh rang swbaiwi ah kwtal quarter swnamjak kha . ah salni pandao montri okra ni logio majak kha hasteni rangthong tang bedekni montri Pranajit singh roy , matabari bidhansabha kendrani MLA Abhishek debroy , gomati hangkhor naikulnai tei sak ham nogni barja nahar Kamal Reang tei kuchuk beremni ojama rog. ah salni pandao kok narwkna thangwi montri okra sakha, agini jora rogo sak baithang nog-huk phalwino sak naikuljakna bagwi phatar haste tei phatar hakotoro thangna nango hasteni lukurog. phiya tabok hasteni sak ham tang bedekni halok rog kaham wngkha. sak ham ni berem kaham wngma bagwi hasteni lukurog tabok kaham sep mankha tei aswk rang bo swbaina nangliya lukurog. hasteni sak hamni beremno kaham khwlaina bagwi tabokbo lengphwlaiya samung khwlaiwi tongo haste haphang. agartalani government medical college oh kai chisa super specialist tang bedek phiyokna bagwi wansogwi tongo haste haphang. tabok swk joratwi kai sni super specialist tang bedek phiyokjak kha. phiya hasteni kwbangma lukurogno oh sep ni kok saimanya. haphangni oh sep kaham manwi belaino tongthoklaijak gomati hangkhorni sak ham tang bedekni sak naikulnai rog.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
