Tangsalo haste haphangni habanogni samung bwtang rok no cherwi naina bagwi salthang hangkhor ni maalmata tangbedekni habanogo atomsakhe naina thangkha haste ni maalmata hamkrai tangbedekni montri Sudhangshu Das. Sebok rok kaham kwrwngkheda samung khwlaiwi tong, tei haste ni lukorog kaham khe da service manwi tong, aborok no cherwi naikha montri. Bo teibu sakha, haste ni montri okra Dr.Manik Saha ni twidulmung bai Tripura haste no hamkrai khwlaina bagwi chaitokgwi tongo haste haphang. Tangbedekni bwkhak twi phiyogjak luko hamkrai ni projects rok bwswk jora twi mwkthang wngwi tong, abo rok no cherwi naikha bo. Aboni logi montri teibu sakha, 50% habanogo achugwi samung khwlaiphano, habanogni samung bwtang rok bwswk jora twi wngwi tong abo rok no cherwi naina bagwi 50 % field visit tongna nangu hinwi sakha. Asalni naichermungo joto samung bwtang rok cherwi naimani yagulo, joto samung bwtang rok kaham kwrwngni bising twi khwlaimani bagwi belai no kha-tongthokjakha. Thanai tal kolokma ramwi atomsa khe haphangni habanog rogo naicherwi tongo. Swkangni sai tabok haphangni habanog rogo sebok rok phaiwi no tongo, tei joto sebok rok no sak tharwi samung khwlaiwi tongo. Raida ni phataro samung khwlainai rok no kebengwi bedekni bwkhak twi kwrak yapri naharnai hinwi sakha montri Sudhangshu Das. Bo teibu sakha, lukorog ni bagwi samung khwlaina hnk barja naharwi samung ma khwlainai. Haphangni joto sebok rok no thansa khe samung khwlaina bagwi kha-thangsarikha maalmata tangbedekni montri Sudhangshu Das. Asalno maalmata hamkrai tangbedek-oh thangmani logi Tripura Veterinary Council ni habanog nainani thangkha haste ni maalmata hamkrai tangbedekni montri Sudhangdhu Das. Veterinary college ni hamkrai ni bagwi kendra haphang ni thani 54 crore rangni chubachu sankha. Phainai sal kisa ni yagulo aah rang manai hinwi kha-khwlaikha montri.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
