Kendra haphangni kwbangma luko hamkrai ni projects rok no hujak khwlaimano bangrina bagwi haste ni dalbidal doly, hangkhor, gram panchayat tei village committee o choliwi tongo Bikasita Bharat sankalp yatra. IEC van bai tei kwbangma camp khwlaimani bising twi kendra haphangni projects no twiwi hujak khwlaijagwi tongo eba kokpirjagwi tongo. Aboni wngwi no salchi Tripura hangkhor ni Rajnagar R.D Block ni luajimung bai Dimatali gram panchayat amchaio Thanglaisu tei malaimung ter tei block-rwk Bikasita Bharat sankalp yatra tei Bikash Ter songchajakha. Koktisalni horo haste ni montri okra Dr.Manik Saha ni yak ramwi aah ter no phiyogwi rijakha. Saltham ramwi oh ter cholinai. Asalni pandao montri okra no karwi bo manjakha Tiprasa hamkrai tangbedek tei minority ni montri Sukla Charan Noatia, MLA Swapna Majumder, salchi hangkhor ni president Kakali Das Datta, hangkhor achukphang Saju Wahid A, hangkhor police super Ashok Singha, Rajnagar panchayat samitini chairman Tapan Das. Chati muchungwi tei bwphang bwsao tui rimani bising twi asalni panda no chengsawi rikha montri okra. Montri okra sakha, kendra haphangni kwbangma projects ni sep sap rok no hoda ni joto lukorog ni thani sagwirina bagwi sak tharwi samung khwlaiwi tongo hakotor ni montri bokhorok Narendra Modi. Aboni wngwi no Bikasita Bharat sankalp yatra ni bising twi Modi haphangni gurantee malkhung Tripura haste ni beser beser lukorog no hujak khwlaiwi tongo. Aboni logi bo teibu sakha, tangsalni sarigo hasteo phaiwi tongo Tripura Tourism Department ni Brand Ambassador eba Indian cricket team ni kwcham captain Sourav Ganguly. Rajnagar R.D Block ni luajimung bai songchajak oh ter o kwbangma stall twiwi achukkha haphangni kwbangma tangbedekni adongrok. Fita rawi koktisalo aah stall rokno phiyogwi naina thangkha montri okra. Aboni yagulo Essay competition oh 1st,2nd, tei 3rd wngnai rok no sokat yapharwi rikha montri okra Dr.Manik Saha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
