Agartala MBB birkhung bathak thaio habar deramwng ni bising phano kaham khe land khwlai mantwi abo ni bagwi Instrument landing system eba updated ILS dati khe cheng nani bagwi haste sabha o sanlai mwng khwlai mani dagiphang Biplab kumar deb. sathai kwlai ih, habar deramwng ni bagwi Air Traffic Control ni simi land khwlai mani gosimwng manya ni bagwi birkhung rok gana gini birkhung bathak thai o land khwlai nani nang o. loku rok kaham khe sep man na twi dati khe updated ILS chengwi rwna ni bagwi haste sabha o oh bisi ni adhibeshank kok no twi samani Tripura ni kwcham montri okra eba dagiphang Bipal kumar deb. bo saklai kha, MBB birkhung bathak thai IFR eba Instrument Flight Rules khwlai nani nang nai.habar deramwng ni bising o abo hai sep belai khe no nangkuk mani, tabuk ni bising o no kaham khe cherwi naikol tong kha, DGCA ni bwkhak twi gosi mwng mankhe no dati khe sep rwjak nai. habar deramwng ni bising o haste ni joto birkhung rok kaham khe no land khwlawi man nai. bo teibo saklai kha, tabuk masing jora rogo siyari ni bagwi birkhung rok lang khwlai thani o mwng sasuk kebeng mwng rogo ta kwlai thung ayang phasing bo naikol mwng tong nai, tei dati khe DGCA ni gosi mwng man khe no ILS ni sep man nai,abo ni logi ah salo haste ni rail line swnam mani samwng bwtang overbridge swnam nani bagwi bo kendriya rail montri Ashwini Vaishnav no naikol nani bagwi sakha Biplab kumar deb. tei khak sa phasing khe ah salo parliament o keral ni simi yaksi ni dagiphang Dr.Shivdeshan,saklai kha hakotor ni simi haste pha ni thai norwi rwna ni bagwi bo sanlai mwng khwlai kha, abo no twi Biplab kumar deb saklai kha, kendra tei haste ni bagwi hastepha ni thai belai khe no nang kuk mani.abo ni logi Tripura ni yaksi hapang ni kok rok bo samani nukjak kha, 2018 bisi o montri okra ungwi samwng yachagwi nahar mani ulo, nugwi man kha montri okra je thai rogo achugo aro rogo kaisa phano national flag kwrui. yaksi rok constitution bujiya abo ni abgwi no kebeng mwng khwlai o, tei borok deramwng rogo kwlai jak.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
