Pradhan montri abhash yojana ni simi chengsawi Ujjal yojana, jaal jibon mission, Kishan samman nidi, biswakarma projects ni bising twi haphangni joto projects ni sep sap rok no hakotor ni joto lukorogni thani sagwi rina bagwi thanai 15 november ni salmario bikasita sankalp yatra no chengsawi rikha hakotor ni montri bokhorok Narendra Modi. Abohai khe no samung khwlaiwi tongo haste haphang. Montri bokhorok ni phunukjak yaprio himwi nog brom brom kaham naikolmung samung bwtangno chengsawi rikha haste haphang tei oh samung bwtangno lukorog belai supports khwlaimani bagwi hai no hai nog brom brom kaham naikolmungni samung bwtang 2 no chengsawi rikha haste haphang. Haste ni joto lukorog ni nog nogo haphang ni sep sap sagwirina bagwi haste ni joto hangkhor tei block o bikasita bharat sankalp yatra tei nog brom brom kaham naikolmung samung bwtang 2 chengsajakha. Chasalo aboni wngwi no Dukli R.D block bai khobjak Suryamani Nagar gram panchayat o bikasita bharat sankalp yatra tei nog brom brom kaham naikolmung samung bwtang panda 2 songchajakha. Asalni pandao manjakha haste ni montri okra Dr.Manik Saha, haste bidhansabha ni deputi speaker eba Suryamani Nagar bidhansabha kendra ni MLA Ramprasad Paul, hukumu bedekni secretary Dr.Pradip Kumar Chakroborty, Suryamani nagar panchayat samitini member Narayan Chakroborty, dukli R.D Block ni BDO Sourav Kumar Paul no khobui kubuni adongrok. Asalni pandao kok narukna thangwi montri okra sakha, hakotor ni montri bokhorok Narendra Modi kok simi saya, lukorog no kok rimano samung khwlaimani bising twi mwkthang khwlaiwi tongo. Samung khwlaimani bising twi khungtham haste ni bidhansabha chongmario kwbangma vote manwi kwplai wngkha BJP bodol. Asalni pandao dukli block bai khobjak kwbangma self help group ni bwrwi bodol rok no rangni chubachu rijakha. Abono karwi bo haphangni kwbangma projects ni kok no sai manna bagwi stall achukrijakha tei aah stal ni bising twi Ayushman card no khobui kwbangma projects ni samung bwtang rok naiwi manai lukorog. Aboni logi virtually hakotor ni lukorog bai koklam salaikha montri bokhorok Narendra Modi. Asalni pandao lukorog ni logi montri bokhorok bai koklam salaikha montri okra.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
