Haste ni montri okra tongmani jorao haste ni hamkrai ni bagwi samung khwlailangkha haste ni kwcham montri okra Biplab Kumar Deb. Tabok rajyasabha ni MP wngwi bo abohai khe no sak tharwi samung khwlaiwi tongo haste ni kwcham montri okra eba rajyasabha ni MP Biplab Kumar Deb. Swkango waire wai no Tripura ni samung khwlainai tei hukbar khwlainai rok ni hamkrai ni bagwi rajyasabha kwbangma kok tisakha bo. Phasalo hai no hai rajyasabha o Tripura ni hamkrai ni bagwi kok tisakha bo. Tripura ni railway overbridge swnamnano twiwi kendra rail montri Ashwani Vaishnab no koikha MP Biplab Kumar Deb. Bini kok no manjowi kendra rail montri sakha, 2004 ni simi 2014 bisi jora hakotor rwgwi 4,148 flyover tei under passes swnamjakha. Aboni bagwi 2014 bisi ni 2023 bisi jora hakotor rwgwi 10,867 flyover tei under passes swnamjakha. Hakotor ni kwbangma haste ni flyover tei under passes swnamna bagwi teibu yapri naharwi tongo tei fund bo riwi tongo kendra haphang. Aboni logi dalbidal projects ni yapri bo naharkha kendriya rail tang bedek. Kendra tei haste o BJP haphang kha-mani yagulo Tripura haste ni thanglaisu tangbedekni hamkrai ni bagwi sak tharwi samung khwlailangkha haste ni kwcham montri okra eba rajyasabha ni MP Biplab Kumar Deb.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
