Je hoda rogo chung tongwi tongo, je habar rogo chung tongwi tongo, ah habar no mwthang nani bagwi joto nono thansa ungwi samwng khwlai nani nang nai. sak ni bising o mwchung mani phai nani nang nai, chini je naikol mwng chini je samwng abo rok no naikolwi no wbskang o thang nani nang nai, rajakhor aguli ni jail road gana khudiram bosu english medium school o phawi manjak phawi pha salo abo hai khe no samani nukjak kha haste ni hoda nikolnai Rajib bhattcharjee. khudiram basu school o songsa jak mani science fair o phawi manjak phai mani bo. bini logi phai kha Tripura hapang ni kwchug tang bedek ni naikol nai NC.Sharma bo. rwng swrung nai tei swrung nai jwk song ni bising o science no twi teibo swrung mwng ni bagwi haste rwng tang bedek ni naikol mwng no twi kok narugkha Rajib bhattacharjee. bo teibo saklai kha pora lekha khwlai thani o Tripura rwng tang bedek ni bwkhak twi kabangma samwng yago nahar kha. NCERT ni guideline ni kahai bisa o kaham no samwng khwlai kha haste ni rwng phwrung nai tei phwrung nai jwk song. kaham khe no swlai mwng phai khe haste ni education system oh. Haste ni montri okra Dr.Manik saha ni emang soi khwlai nanai tei kaisa nai tho thok Tripura swnam nani bagwi haste ni rwng swrung nai tei swrung nai jwk song no bwskang o phai nani bagwi pha salo kobokmwng khwlai kha haste ni hoda naikol nai Rajib bhattacharjee.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
