Kaitham haste ni bidhansabha chongmario kwbangma vote manwi kwplai wngkha BJP bodol. Tabok BJP ni kwtal haphang swnamna thangwi tongo Bharatiya Janata Party. Rajasthan, Madhyapradesh tei Chattishghar o sabo no montri okra rinai abono twiwi kwchuk berem ni koklam panda khwlaikha BJP ni kwchuk berem ni ojama rok. Montri bokhorok Narendra Modi ni habanogo waire wai koklam panda khwlaijagwi tongo. Tabok montri okra sabo wngnai abono decide khwlaina bagwi Bharatiya Janata Party parliamentary board swnamjakha. BJP ni bwkhak twi sakhwlaijakha, kaitham haste o bebagwi khorok chuku observer ni barja rijaknai. Rajasthan ni observer ni wngwi barja naharkha defence minister Rajnath Singh, rajyasabha ni MP Saruj Pandey, tei State General Secretary Vinod Tawde. Tei baisa bwkhak Madhyapradesh ni barja naharkha Hariyana ni montri okra Manuharlal Khattar, OBC morcha ni national president Dr.K Lakkhan tei State Secretary Asha Lakra. Chattishghar ni observer ni wngwi barja naharkha Union Tribal Affairs ni Minister Arjun Munda, Union Ports, Shipping, Waterways tei India Government ni AYUSH Minister Sarbananda Sonowal, tei State General Secretary Dushyanta Kumar Gautam. Oh kaitham haste ni montri okra tei montrisobha ni members rok bai koklam khwlainai oh khorok chuku observer rok. Aah koklam panda khwlaimani yagulo Rajasthan, Madhyapradesh tei Chattishghar ni montri okra ni mung sakhwlaijaknai. Koktwma ni bising twi saimankha, oh kaitham haste ni montri okra barja kwtal members rinai hinwi wansukkha kwchuk berem ni BJP ojama rok. Phainai loksobha chongmarini kok no wansugwi kwtal montri okra ni mung sakhwlaijaknai.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
