Mumbai city o haste ni sikla hati barsa ramwi chopjak tongmani, paithago bono Mumbai police tei Dharmanagar thanani police ni chubachu bai rutugwi mankha. Aah sikla ni mung Amit Nath, bini nog Kanchanpur o hinwi saimankha. Patimungno twiwi koktwma thumnai rok ni bwskango Amit sakha, Facebook ni bising twi Delhi ni kaisa company o sebok rutugwi mankha, aboni yagulo thanai 22 november ni salmario Dharmanagar ni simi Delhi ni bagwi ongkhorkha bo. Phiyabha Delhi o sagwimani yagulo company ni borok rok bono sakha je, bini post-o tei khorok sa borok no chitogwi khibikha. Tabok sebok ni bagwi bokcha post kwrwi hinwi sakha borok. Aboni yagulo aah company ni Afrin mungwi khorok sa bwrwi bo bai koklam salaikha, tei bono sakha bini bagwi mumbai o kaisa samung tongo hinwi. Aah samung khwlaina hnk Delhi ni simi Mumbai o phaina nangnai hinwi sakha, aboni yagulo bo mungsa wansukya karwi Mumbai o thangkha Amit. Mumbai ni khungsa nogo mai mui songnani samungo thepawi rikha bono. Phiyabha aro thangmani salnwi ni yagulo no bono satok pitok khwlaikha aah nogni bwrwi. Amit no nogni bo ongkhorna riya, Sal kisa laimani yagulo Mumbai ni khorok sa borok bai kok sakha Amit tei aah borok no joto patimungno twiwi Dharmanagar thanani OC no joto kok khulogwi sakhe, Dharmanagar thanani police tei Mumbai police ni chubachu bai thanai 1st december o Mumbai ni kaisa flat o Amit no rutugwi mankha. Aboni yagulo 2 december ni salmario bono Tripura ni train no kariwi horkha Mumbai police. Amit no kisa misa rangbo chubachu khwlaikha Mumbai police. Paithago swrang salni diporo Dharmanagar o kiphilwi, sangrong salo salgwra police super ni manjakmungo Dharmanagar thanani OC Naddu Gopal Deb bai malaiwi bono hambai yapharkha Amit. Asalo koktwma thumnai rok ni bising twi kaisa kok kwcharkha Amit. Bo sakha, je kono samungno check khwlaiya karwi no phatar haste o ta thani hinwi kok kwcharkha bo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
