Hakotor ni montri bokhorok Narendra modi no teisa achugthai rogo naina mwchugo haste ni loku rok. abo no kitingwi no samwng khwlai tong kha Tripura pradesh BJP.salka tei salthang Tripura haste ni kai nwi loksabha kendra o kwplai ungwi montri bokhorok ni yak no kwrak hwlai nani nikol tong kha bharatiya janata party ni haste achugphang Rajib bhattacharjee, bodol ni motha ni teibo kwrak khwlaina bagwi booth rogo kwbangma samwng bwtang yago nahar jak kha BJP haste committee. abo no kitingwi no rajakhor aguli ni krishnagar gana pradesh BJP ni haba nogo sangrong salo songsai rwjak kha pradesh BJP janajati morcha ni kaisa nangkuk mani achuglai mwng. ah panda o phawi manjak phai kha haste ni montri okra Dr.Manik saha, bharatiya janata party ni haste achugphang Rajib bhattacharjee, pradesh tangphang jwk Papiya dutta, haste hapang ni janajati kalyan tang bedek ni montri eba pradesh BJP janajati morcha ni achugphang Bikash debbarma, haste ni industry tei commerce tang bedek ni montri Santana chakma tei kwcham yakchu montri okra Jishnu debbarman, achuglai mwng o phawi pradesh BJP ni achugphang Rajib bhattacharjee saklai kha, Tripura o kai nwi chi janajati bidhan sabha kendra o thang nai khorok nwi chi bodol ni samwng khwlai nai. aro thangwi motha ni samwng rok naicherwi naikolnai. janajati kalyan ni bagwi kendriya tei haste hapang je samwng khwlai kha, abo no twi tong kosong loku rok no saklai nai borok. abo ni logi”Bikshit bharat sankalpa yatra” tei nok nogo kaham naikol mwng no twi bo ah salo kok samani nukjak kha pradesh BJP ni achugphang Rajib bhattacharjee no. Bharatiya janata party ukulug o tongwi samwng khwlai ya, tong kosong loku rok bai baksha khe samwng khwlai nai no chini naikol mwng. hakotor ni montri bokhorok Narendra modi ni naikol mwng o tei loku rok ni hamkwrai ni bagwi samwng khwlai tong kha bharatiya janata party, phai tong nai 2024 bisi ni loksabha chongmari no twi samwng khwlai tong kha Tripura haste o.pradesh BJP janajati morcha ni kaisa nangkuk mani achuglai mwng o phawi manjak phawi sangrong salo abo hai khe no samani nukjak kha haste ni montri okra Dr.Manik saha no.2024 bisi ni chong mari o lai thanai bisi ni sebo kwbang kuk vote manwi Tripura ni kai nwi loksabha achugthai o BJP kwplai ung nai hwnui sakha montri okra. Bodol no teibo phan kwbang khwlai na bagwi khorok nwi chi samwng khwlai nai rok janajati bidhansabha kendra rogo thang nai, borok no training rwjak kha sangrong salo nia chuglai mwng. abo ni logi pradesh BJP ni samwng rok no tei bo koklam salai kha ah salni achuglai mwng o.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
