Sangrong salo JRBT group-c amjokmungo wngkhari wngnai khorok chi sebok mannai rok ni yagu appointment letter yapharwi rikha Tripura haste ni rangthong montri Pranajit Singha Roy. Thanai 13 september o JRBT group-c ni 1,980 candidate ni list ongkhorkha. Sangrong salo aro ni bisingo khorok chi LDC achukthaio offer letter rijakha. Haste haphangni kubuni tangbedek o bo dakti no offer letter rijaknai hinwi sakha rangthong montri Pranajit Singha Roy. Aboni yagulo bo teibu sakha, JRBT group-D ni viva exam choliwi tongo. Group-c ni tichokmung paikhe group-d ni tichokmung chengsajaknai. Group-d ni 2,500 candidate rok no sebok ni bagwi tichokjaknai hinwi sakha haste ni rangthong montri Pranajit Singha Roy. Thanai 13 september ni salmario JRBT group-c ni list ongkhormani yagulo joto nasinglaijak sebokni appointment letter ni bagwi. Paithago aah apointment letter mankha borok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
