Bharat hakotor no thansa khwlainani bagwi tei kwrwi lukorog no borom rina bagwi bisi brom no sak tharwi samung khwlailangkha Baba Sahed. Bini chuba tei yakumu no borom rina bagwi haste-rwgwi no B.R Ambedkar ni 68 bisi mwtai chama sal palaiwi tongo Tripura pradesh BJP- swrang salo aulini pradesh BJP ni habanogo songchajak pandao manjagwi abohai no sakha pradesh BJP ni president Rajib Bhattacharya. Asalni pandao bono karwi bo manjakha Tripura haste ni aah, maalmata tei tiprasa hamkrai tangbedekni montri Sudhangshu Das no khobui kubuni adongrok. Dr.B.R Ambedkar ni mangpili o khomriwi borom yapharmani yagulo pradesh BJP ni president Rajib Bhattacharya sakha, Baba Sahed Ambedkar ni mwtai chama salno kitingwi haste rwgwi kwbangma samung bwtangni yapri naharkha Tripura pradesh BJP. Tolao kwlaijak lukorog ni bagwi saktharwi samung khwlailangkha Bharat-hakotor ni constitutions ni tangphang Dr.B.R Ambedkar. Hoda ni tolao kwlaijak lukorog ni hamkrai ni bagwi samung khwlailangkha, tei montri bokhorok Narendra Modi ni dagimung bai saktharwi samung khwlaiwi tongo haste haphang bo. Swrang salo Pradesh BJP ni luajimung bai songchajak pandao manjagwi abohai no sakha haste maalmata tei aah tangbedekni montri Sudhangshu Das.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
