Lai thanai tal nwi tal tham romwi kwbang khe no hamya samwng tei sikok akarmani kwbang ung tong mani salgwra hangkor kadamtala thana amchai o.paithago kadamtala thana ni OC ni twidulmwng bai romjak kha sikok. abo no twi thana ni officer incharge Shibu ranjan dey saklai kha, hoijak koktwma ni bisingtwi kwrak salni horo salsi kadamtala amchai o naitug mwng khwlaikha kadamtala thana ni police.ah salo naitug mwng khwlawi kwdukma sal romwi kharjak Faruk mia ni mwngui khork sa sikok no romkha police. bo teibo saklai kha, romjak nai sikok kadamtala,dharmanagar tei agartala ni dal bidal thai rogo manwi khok kha tei amtali thana amchai gana kali mwtai nogo manwi khokmani patiwmng bai bo gwdal jak. bini phasing kadamtala thana ni logi haste ni teibo thana rogo bo manwi khokmani dorbar tong o, sikok no police remand o tubwi swng mwng khwlai khe teibo mwng rok ongkhorwi phai nai hwnui wansuk tong kha police. abo no twi swrang salo manwi khoknai no police remand sanwi dharmanagar hangkor tei daira adalat o tisa jak nai hwnui saklai kha bo. kwdukma sal romwi kharjak sikok no rom mani bagwi hambai yapharkha kadamtala thana ni officer incharge Shibu ranajan dey no.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
